Маңғыстау

Маңғыстау мақтанышым маңғаз өлкем,
Талайға өзің болдың арман мекен.
Қалар едім мәңгі сенің,құшағыңда,
Бұл дүние бұрынғыдан қалған екен.

Маңғыстау құла өңді,құмар дала,
Жусаныңды искей берем құмарлана,
Туған жерім қасиетіңнен айналайын,
Адайларды тоғыстырған бір арнаға.

Маңғыстау күнде ойын думандатқан,
Асау теңіз қарт Каспийің тулап жатқан,
Шамалды кеш,қоңыр салқын табиғатың,
Мұнар жапқан мұнараңды тұман жапқан.

Маңғыстау жеті жұрттың кеткен жері,
Талай жайсаң жандардың өткен жері,
Ұрпағы үшін ата-бабам жерін қорғап,
Қас батырлар қызыл қанын төккен жері.

Маңғыстау сені аңсайды бір көруге,
Ақын,жырау таңдайынан жыр төгуге,
Құшақ ашық досым деген адамзатқа,
Қош келдіңіз! Құмар болса кім келуге.

Самал Адай

Маңғыстауым

Армысың Маңғыстауым ақ кербезім,
Кіндік кесіп,асыр салып,өскен жерім,
Ұрпағы үшін ерлігімен,жауын қуып,
Ата-бабам қызыл қанды кешкен жерім.

Абыл,Ақтан,Қашаған өткен жерім,
Есіл,Елбай күйлерін төккен жерім,
Ақбөбекке жыр арнап Қайып сері,
Махаббаттың самалы ескен жерім.

Қолы  жомарт байлардың өткен жері,
Алдарынан мол бақытты күткен жері,
Адайлардың қорлығына шыдай алмай,
Түркпендердің ығысып көшкен жері.

Ауаң қандай шіркін- ай көктемдегі,
Қоңыр салқын бет-жүзіңді өпкендегі,
Жылы шырай қолайлы табиғатың,
Мұз боп қатса, жібіген кек пен шерің.

Қалың Адай ата қоныс тепкен жерім,
Қол астына кірмеген шекпендінің,
Аталардың айбарының арқасында,
Жүргізбеген қас қылғандар өктемдігін!!!

Самал Адай